თბილისი (GBC) - მთავრობა 177 დევნილ ოჯახს საცხოვრებელ ფართებს საკუთრებაში უსასყიდლოდ გადასცემს.
ამის შესახებ მთავრობის სხდომაზე გახდა ცნობილი.
დევნილები სახლებს თბილისში, ქუთაისში, მცხეთაში, ბათუმში, ფოთში, ზუგდიდში, ზესტაფონში, ხონსა და ხაშურში მიიღებენ.
2012 წლის შემდეგ, 12 500-მდე დევნილ ოჯახს გადაეცა საკუთრებაში საცხოვრებელი ფართი და პროცესი, დევნილთა და ეკონომიკის სამინისტროების ხელმძღვანელობით, გაგრძელდება.